Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :ch'bon viux poele à carbon
josy27/10/2010 21:25
Et chaque année ché parel,quand el frod y arvient et que j'tourne l'bouton de ch'thermostat et que l'chaudière es'met in route,ej pinse toudis au temps du qui fallot s'occuper de ch'fu à carbon.Y a pas cinq ans ed cha,in avot pas cor el cauffache central,y fallot cor allumer ch'fu avec du papier journal et du p'tit bos.eun fos que ch'pitit bos y étot pris in rajoutot p'tit à p'tit ch'carbon,pas ed trop pour pas l'étouffer.eun fos que ch'carbon y étot rouche in pouvot verser el carbonnière.j'ai cor l'odeur de ch'bos et de ch'carbon dins mes niflettes.et pis chétot pas el tout,au matin et au soir y fallot vider chés chennes et déchinte à l'cafe pour armonter l'carbonnière bien kerquée pour arrimplir ch'poele.....quand j'y pinse,que corvée qu'in avot....à ch'theure y suffit ed tourner ch'bouton ,y a pus ed carbon pus ed bos pus d'papier journal,y a pus d'odeur ....bien que ché pas el minme caleur,in a quand minme ses oches au caud;cha a du bon quand minme el progrès
ch'duc28/10/2010 08:08
mi ej trouve ,que chétot plus économique de s' cauffer au carbon, in plus in faisot à minger ed dessus,et l'air y étot moins sec, ch'est vrai in à moins ed traval,et cha salis pus,mais y à autant ed poussière qu'avant !!
myrianna28/10/2010 09:29
ouais ech bon vieux poele à carbon... quand ej rintros d'l'école vers 18h (j'allos à l'étude) y'avot einne odeur dinl' maison , em mére al mettot einne castrole d'ieau bouillante avec des feuilles d'eucalyptus ed'dins , ech carrellache rouche bien propp ech fu qui ronronnot, einne tartine d'patè qui m'attindot , in étot fin contint!
josy28/10/2010 10:11
ah ouais myrianna,je m'rappelle ché feulles d'eucaliptus,sauf que m'mère elle les mettot directemint sus ch'fu,cha sintot bon et elle disot qui avot pas miux pour assainir el maison.mi in rintrant ed l'école chétot l'odeur d'oranche qui m'attindot.em'mère elle épluchot em'n'oranche pour quand j'allos rintrer et elle déposot ché pelures sus ch'fu;hummmm!que parfum dins l'maison...et chétot naturel pas comme à ch'theure avec leur bombe ed Brise ,fébreze ou bien ou air wick.quand j'y pinse,ché vrai qui avot toudis quetcosse sus ch'fu....soit el marmitte pour el repas,chés pelures pour parfumer l'maison et surtout en' pas oublier el fameusse cafetière dins l'coin,toudis prête in cas d'visite imprévue,el fameusse goutte ed jus.à ch'theure y a chés cafetières électriques et in fait du café quand chés gins y sont là et cor y faut leur demander si y z'in veulent,mais avant in n'avot que cha à offrir avec chés bicuits secs dins l'fameusse boîte in fer décorée
maceju28/10/2010 10:14
ouais , ché vrai tout cha , mi cha m'rappelle que quand in voulotel faire ronfler plus fort , in tijonnot al gueulette , in inlevot un rond , in faijot un tro au mitant et chetot parti , ey la y faijot bon din tout l'mejon , sauf un haut bin sur ,mais ché vrai qu'chétot in sacré caleur , bin miux qu'chelle d'ach'teur , rin qu'l'odeur
pistouille28/10/2010 10:36
Bonjour,
Mon père qui a 88 ans se chauffe toujours au bois, qu'il coupe tout seul, et bien sur il met les épluchures d'oranges, clémentines et pommes. Mais par contre tous les printemps il faut reblanchir car il laisse la porte de la cuisinière ouverte et ben il y a de la fumée alors il ouvre les fenêtres et après il râle car il dit qu'il fait froid mais bon c'est mon vieux papa.
Mais il y toujours chez lui l'odeur de mon enfance et cela vaut toutes les thérapies
myrianna28/10/2010 10:51
, j'avos pas ker quand min papa i prenot einne cayelle et qui s'asseyot avec ses pieds din ch'four ( ej vous jure que ché vrai) emm mère al gueu... , ej dos faire du roti d'porc Diminche inleff tes pieds d'là!!
maceju28/10/2010 11:15
armarque qu'in roti au fromache , cha dot pas ête mauvais
ta raison bistoul , ya grammint d'odeur d'antan , qu'ech' voudros bin artrouver ,
odeur d'ech' feu a carbon , du fond , d'école , d'ech'cirache , d'ech'savon noir , ech' cuir quand min père y'arssemelot nos godasses et pi y n'da cor , et aussi chés plures d'oranches qu'in mettot d'su feu , ou chés feuls ed' ,,,,,,,,,,,,ch'nom y m'arvient pas
myrianna28/10/2010 11:37
l'matin quand in descindot , em manman , al avot mis sul porte d'ech four , din l'cuisine , nos cauchettes et nos godasses à récauffer avant qu'in parte à l'école.

Ech'fu dinl pieche du miyeu , y'ètot plus bieau , y'avot einne porte avec des carreaux in formica (cha fondot pas ch'truc la?) et pis y'avot einne clef sul coté qui fallot toudis raviser eul soir avint d'aller s'coucher, din que position qu'al étot , pasceque ch'fu la i durot tou l'nuit hein mes gins , chétot l'progrés cha!

Eucalyptus , maceju
maceju28/10/2010 14:31
merci myrianna , j'viens d'arlire s'qui yavot d'ecrit pas d'seur , et j'ai arvu s'que josy al dijot , ché bin eucalyptus,
ouais el clé chétot pour ralentir ech' tirache , comme cha ech' feu y couvot tout l'nuit , et au matin yavot in température potape , pi surtout yavot pas b'soin d'ralleumer , et cha nous evitot el corvée , d'faire du tiot bos , din ch'four in mettot aussi ché fers a arpasser , pour récauffer ech'lit , avant d'es couquer , et pi ech' l'etouffoir pour cuire chés patates a l'étouffée

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:vertïant
français:plein de santé
genre:adj.
Accéder au glossaire