Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :Chés bêtes à mon d'chés mineurs
josy30/10/2010 15:47
Chés bêtes ténottent inne grande plache à mon d'chés mineurs.D'abord y avot chés pigeons,objets ed passion ou ed concours qui crêchottent dins ch'pigeonnier monté par el mineur au bout de ch'gardin,pis y avot chés lapins,eux y étottent privilégiés pasque bien souvint dins chés maisons des mines sur el côté de l'barraque y avot "des garennes" à lapins (emplacemint prévu pour eux).Et pis y avot ch'poulailler juste au bord de ch'gardin pour chés glaines qu'in élevot pour chés oeufs mais aussi pour ch'bouillon du diminche.Y avot bien sûr ech'tchien loïé à côté de s'niche dins un coin de l'cour,ch'cat qui, li devot normalemint attraper chés souris (nous in avot un cat fénéant),et pis ch'fameux canaris,s'gaillole accrochée dins l'cuisine mais qu'in sortot quand y faijot bon et qui mettot ed l'ambiance avec "ses cuicuis"
A ch'theure, chés tchiens sont dins ch'canapé,ch'cat y est sus ch'l'appui ed farniète juste aud'zeur de ch'radiateur,ch'poulailler y existe pus pasqu'in a pus el drot d'élever des glaines (sauf dins des poulaillers ed luxe montés avec l'autorisation, el plan et l'matériel choisi par Soginorpa),chés garennes à lapins aussi ont disparues,reste cor queques rares pigeonniers...
maceju30/10/2010 17:06
cha ché bin vrai josy , quand in a déménagé al cité des fleurs a lens , in 1948, in avot tout cha , même ech' pigeonnier , avec el trappe d'invol , min père y juot pas , mais in a bin mingé du coulon , du lapin , et poules et canards , quand j'veyos min père les tuer , au début ech'ravisot , chés pigeons y tordot le cou , chés canards , y coupot le tiête , in posant le tiête d'su in raccourche , chés poules " j'sais pu " ,
chés lapins , bin l'coup du lapin , j'avos in tante , ach'lapin al y arrachot in neul , tout vivant , al le laichot vider d'sin sang , j'l'ai vu in fos mais j'su pas resté 10 secondes , tellemint y gueulot , " ch'lapin , pas mi "
et ach'teur comme té dis , chés bêtes sont din l'baraque , din ch'canapé , et mi j'su d'su in kayelle , ché pas vrai , j'ai pu d'bête , ché l'canchon a simmon colliez , " y n'da qu'pour li "
myrianna30/10/2010 17:36
T'ARRETES ,maceju, TE M'ENERFF!!!!!
maceju30/10/2010 17:45
bin j'ai rien dit , j'ai seulemint raconté el vérite vrai ,
toute manière ché toudis mi qui s'fait ingueuler , rl pire ché qu'ech'sais pas pourquoi , j'ai pas parlé ed' tortue , ni d'merlou , j'cros qu'ech' va cor passer in mauvaisse nuit
myrianna30/10/2010 18:05
Té sais bien qu'ej sus sensipp alors évite ché détalls
bon allez einne gross bess quand meme
ch'duc30/10/2010 18:19
pis y avot ech marchand ed pieau de lapin qui passot à vélo,ou bien ech cache à loques qui passot avec sin cariot pis sin bieau bidet, myrianna et josy vous avez peut etre connu marie cachaloque ,al pssot dins ches corons,al restot au bord d'ech' bos ed camblain !!
myrianna30/10/2010 18:27
al avot pas un bidet blanc qu'iavot s 'langue qui pindot et elle al étot toudis immitoufflée ?

ech marchand ed pieux lapins , ej m'in rappelle aussi ,i mettot ses pieaux su sin guidon
myrianna30/10/2010 18:32
j'emm rappelle aussi, mais la y'a vraimint longtemps ,qu'iavot Anna et sin tit ane qui vindot des légumes (un tit ane noir) quand ej voyos qu'al arrivot in bas d'el rue d'Merville , j'étos fin bénache..
josy30/10/2010 18:45
Marie cachaloque,cha m'dit quetcosse,mais j'ai dû in intinte parler par em'mère,pasque j'pinse que j'étos trop jone pour connaîte.....mais ej vas y demander.....
lena30/10/2010 22:35
bonsoir tertous
à m' maison aussi i avo des poules ( quand j' étos tiote j' allos dins ch' poulailler et j' volos un noeuf dins ch' nid : j' faiso un tiot trou ed chaque côté del coquile et jel gaubos àprès j' armettos el coquile in'nsous del poule _ in n' aute coup j' em rapelle min père i avot coupé el cou dech coq mais vlati pas qui sa sauvé sans tête!) in avot aussi des lapins ( là j' pouvos pas supporter qui les tue : j' m'infermos dins el maison pour pas vire commint qui faisot ) in avot un tchien qui s' appellot Tommy( mais tout l' monde l' appellot "3 pattes" cha vénot de quand i étot jône em mère al étot partie boire el café amo dem grand-mère et min tchien i est parti dins el cour d'ches voisins et ia voulu minger dins el gamelle dech tchien et comme chéto un berger all'mand i a croqué el haut dess cuiche ensuite in n' a eu un'n aute qui s' appelot Princesse (ch'est elle qui nous a choisi al avo été jechter d'un'n voiture au momint des vacances )in avo aussi 2 vire 3 cats( pasque j' rammassos tous chés paufes malheureux qui traînottent : em mère al étot continte !)
min tiot frère i avo eu un coupe ed cochons d' inde ( vindiousse commint cha s' arproduit ! i zavottent bouffer ches fils derrière el télé )
min grand-père i avot des coulons et i faisot ches concours avec
core astheure j' peux pas vife sans bestioles : j' ai 3 cats 1 tchien et
3 dindes ( mais cheux là ch'est pour les minger ) in n' a eu aussi des poules des pintades des canards 1 biquette 1 bouc et minme des moutons
josy31/10/2010 08:52
eh bin léna,chétot el ferme du bonheur à t'maison?mi aussi j'ai querre chés bêtes,si j'écouteros min coeur,ej ramasseros tous chés p'tits malheureux qui traînent,mais j'ai eun tiote maison alors.....mais j'ai quand minme deux tchiens
myrianna31/10/2010 09:22
bin am maison y'avot Folette un quien eq min pére y'avot ramné un soir quand y'arvénot d'eul fosse , il l'avot trouvé a coté d'ech l'étang ed'quénem, i pouvot pas nous vir à mi et min frére , in d'vot longer ech'mur l'matin pour aller au cabinet , i voulot nous mortt , ej pinss qu'iavot des gosses qui y'avottent fait du mau... et pis aprés tout duchmint i s'est habitué à nous. Aprés y'avot Pilou qui s'est fait écraser par einn voiture, in a brait tertouss al baraque.. aprés y'a eu Gamin , mais ej l'ai pas connu longtemps , ej sus partie d'eull maison qu'iétot core pitit. ah , in avot un cat aussi, y'a passé toute ess 'vie loié al cuisiniére pasceque i n'avot un din l'rue d'Merville qui impoisonnot tous ché cats. i fesot ses besoins dinch seau à carbon à chaque fos qu'emm mére al fesot ses frites, ej vous dis pas quand y'avot l'drisse...

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:pardonnape
français:pardonnable
genre:adj.
Accéder au glossaire