Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :El corvée ed pichenlits
josy06/11/2010 09:43
Eh ouais ,y avot aussi el corvée ed pichenlits,mais chelle là chétot avec min pépère el jeudi après midi (ej précise pour chés jones qu'avant note journée ed repos chétot l'jeudi et nin el mercredi comme à ch'theure).Chés pichenlits chétot pour chés lapins.min pépère y in avot eun quinzaine.Minme rituel que pour chés feulles d'automne,ch'sac à patates in toile et pis l'barouette,sauf qu'in plus,j'avos l'drot à un canif....et attention !!!pas n'importe quel canif!!!!un canif que min pépére y m'avot fabriqué esprès pour mes p'tites menottes,avec eun lame à bout arrondi pour pas qu'je m'blesse.Surtout avec pépère y fallot pas printe n'importe quel pichenlit,y fallot printe chés plus gros et surtout pas cheux qui étotent in fleur!!!mais mi comme toutes chés garnoules,j'étos attirée par chés fleurs.....alors à l'fin de l'cueillette,y m'laichot ramasser un tiot bouquet que j'étos toute fierte ed donner à m'mémère in rintrant!!que de souv'nirs!!comme quoi y nous fallot pas grand cosse pour ête heureux in ch'temps là
myrianna06/11/2010 10:03
et té t'fesos ingueuler aussi quand tè voulos souffler sul boul blanque ed chè pichenlits , min pére i dijot --- Nan ma belle cha va pousser partout aprés.... meme asteur j'auros invie ed souffler d'ssus quand j'les vos ( en toute confidence , einne fos ej l'ai fait , eum n'homme y'a barloqué ess tiete ed droite à gauche ....cha veut dire quoi?
josy06/11/2010 10:45
cha veut dire que t'as gardé et'n'âme d'infant!!! laiche le barloquer s'tête,mi aussi j'ai gardé em'n'âme d'infant......barloquer s'tête....cha m'fait pinser à chés tchiens qu'in mettot sur chés plages arrière ed chés carettes hihihi
Si myrianna,j'avos el drot ed chouffler ed sus pasqu'in étot au bord ed chés camps,cha aurot été dins ch'gardin à pépère,là cha aurot été eun aute histoire....
maceju06/11/2010 14:17
alors mes infants , commint qu'cha va , vos âmes
chétot cha el corvée d'hierpe , et y fallot faire gaffe , surtout pour ech' mouron , intre mouron blanc ech' rouche yn'd'avot un des deux qu'yetot
mauvais pour chés lapins , ech'sais pu l'qu'elle , et pi aussi ech'treffe ,
fallot pas nin donner ed' trop , sinan chés lapins , y risquottent ed' s'involer tellemin cha les faijot infler , surtout si yétot humite
ch'duc06/11/2010 17:59
mi , j'allos avec min grand pèrederrière les ateliers centraux pour couper ech foin pis el luzerne pour ches moutons et lapins
annesophie06/11/2010 22:21
Ouai mi aussi à D'nain avec Pépé Michel in allot à pissinlits pis bin ouai j'aimos bin pis j'ai cor quer souffler su ches nounoutes Merci pou les consels pou mes lonques orelles i minqu'rot qu'cha qu'i s'invol'tent comme des ballons d'baudruche (j'avos marqué d'autruche cholaille !!!) Cha m'fais busier aussi à ches fleurs jaune t'aime bin l'burre chétot bin agréape aussi à s't'heure ches tiots cha les fait rigoler des trucs ainsi
josy07/11/2010 09:34
y a un tiot truc qui m'a arvénu hier,pour pas qu'ej touche à chés pichenlits dins ch'gardin,min papa y dijot:"si té y touches té vas picher au lit".In vous l'a dit à tisautes aussi?
ch'duc07/11/2010 09:53
dins ch' gardin, ches picholits, chétot pour faire d'el salate,mais dins ches camps et patures pour ches lapins,tous les ans ej fais em cure ed salate ed picholits
maceju07/11/2010 14:52
ouais josy ché cha qu'chés parints y dijottent , et ché pour cha qu'in les appellot des PICHOLITS , et j'cros même qui faijotent in tisane evec ches PICHOLITS , pour j'sais pu quoi
josy08/11/2010 17:29
V'là c'que j'ai trouvé sur el net à propos d'chés infusions ed pichenlits

Le pissenlit doit son nom à son action diurétique, reconnue depuis le XVI° siècle. On l'appelle aussi ¬ dent-de-lion ¬ à cause de la forme très dentelée de ses feuilles.

Toute la plante, y compris sa solide racine en pivot dont les substances amères sont plus concentrées à l'automne, entre dans la préparation de tisanes.

L'infusion de pissenlit agit sur de nombreuses maladies en dynamisant l'activité des glandes, ainsi que les muscles de la sphère gastro-intestinale.

Donne de bons résultats contre les maladies rhumatismales comme l'arthrite.
Donc ché bon pour el santé in général
josy08/11/2010 17:30
par conte y faut savoir l'avaler.....beurk!!
ch'duc08/11/2010 17:39
j'in avos fait del tisanne pour ches msclesintestinaux cha m'a rien fait,si coloré mes boyaux,par contre je m' régalle avec einne salate ed picholits avec des lardons fumé ,pis einne vinaigrette moutardée
myrianna09/11/2010 11:30
in parlant d'ché lapins, din l'cuisine ,l'aprés midi y'avot toudis l'odeur ed ché épluchures ed pétotes qu'in faisot cuire pou ché lapins justemint , aprés cha smélingeot avec du son (j'avos ker eul faire) i fallot pas les écraser qui dijot papa, pou ché canards, au contraire, té pouvos bien les écraser et faire comme einne patée , ej mettos cha din 2 vieux bassins émaillés et je l'donnos à ché canards barbarie i mingeottent comme des galaffs.
lilichti09/11/2010 22:14
b'soir,tertous,merci pour toutcha;bonsoir anne so merci poul tarte au chuq

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:ingloutir
français:engloutir
genre:v.
Accéder au glossaire