Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :Souv'nirs ed ducasse
josy20/11/2010 09:34
El ducasse dins s'ville ou sin villache chétot un évènement!pour rien au monde in aurot raté cha!déjà rien qu'à vire arriver chés premiers camions sus l'plache dès l'début d'semaine,chétot l'effervescence.Dins l'cour ed l'école in intindot parler que d'cha,et t'avos intérêt à t'ténir à carreaux pasque l'semaine là, t'avos chés parints qui faijotent du chantache:"si t'es pas sache,t'iras pas à l'ducasse diminche"
Et ti,peur de t'taper la honte el lundi suivant à l'école in intindant tes camarates dire:"bin in t'as pas vu à l'ducasse?t'as été malate?"nan nan nan pas question ed raté cha,té restot bien sache dins tes pitits souliers.....Et pis té savos que t'allos mette et' belle rhabillure....El jeudi si in devot aller à ch'magasin et qu'in passot devant l'plache,in jettot eun oeul pour vire c'qui avot comme manèches,si y in avot des nouvieaux......et pis y arrivot enfin el diminche!! Déjà té trouvos ch'dîner plus long que les autes diminches,in plus ed cha y fallot attinte d'avoir bu l'goutte ed jus avec el fameusse tarte au libouli (l'tarte ed ducasse qu'in appelot cha)avant ed partir à l'ducasse....ché toudis qu'in y arrivot pas ed bonne heure (que cha avot été long)mais juste bien pour pas manquer el défilé ed majorettes avec l'harmonie municipale
In plus ed cha ,y étot pas question ed monter à ch'premier manèche!naaaannnn,y fallot d'abord faire el tour de l'plache pour arpérer dù que j'allos bien pouvoir monter comme y dijot min père...et ti té piétinnos dins tes pitits souliers sachant qu'in faijant el tour ,in allot arquerre sus ch'ti chi et sus ch'ti là et que tes parints y allotent faire aller leux caquettes...bouhhhhh!!et après tout cha,t'avot enfin el drot ed "monter"....et mi c'que j'préféros au-d'sus d'tout,chétot qu'avant d'arpartir in passot par el fameusse barraque à frites.....
myrianna20/11/2010 09:51
ej m'in vais busiller par là à tout s'que t'as raconté , Chétot à Paques el ducasse d'Auchel ej cros bien
josy20/11/2010 09:54
A Marles les Mines,ché l'dernier diminche ed juillet
myrianna20/11/2010 11:34
ouais et pis inn'avot einne aussi ach quartier léonard , à la fin d'ech mos d'Avril chétot in bas d'eum rue mais al dot pus exister achteur chétot déjà einne petite ducasse, ché vélos zazou, ché autos tamponneuss ech manéche ed pitites autos et pis el chenille ché tout et un stand ed tir
josy20/11/2010 12:44
nan myrianna,y in a pus que deux,chelle du mos d'juin à ch'quartier Sainte Barbe et chelle ed juillet sus l'plache de l'mairie
maceju20/11/2010 14:08
et bin mi j'sais pas pourquoi mais ech' manèche qu'ech' preféros chetot el chenil , découverte , surtout quand elle étot couverte , et pi qu'yavot el soufflerie , j'ém demante vraimint pourquoi , ech' cache mais j'trouf pas
ch\linsos20/11/2010 18:22
bin eu l'ducasse ed Salomé,m'grand'mère a l'faijot v'nir ches deux garchons avec leur garnoulle pi leurs jones,bin sur y avot des manèches mais y avos pon que cha ,d'abord y avos tout l'famile réunit,onc tante cousins cousines, mais y avos ch'concourt ed javelot in face de ch'café toubac (chétot inne femme qui ténot in n'avot donné ch'tabac parce s'que s'n'homme y étot mort a la guerre) bin sur min père aux javelots ch'étot ch'meilleux ej m'in rappelle j'dallos toudis avec.a midi in mingeot in famile pi l'aprés midi y avos ches jeux 'que rigolade,min père qui voulmot grimper au mas ed cocagne pour printe inne boutelle ed pinard,y glichos sur ech savon noir de ch'piquet,surtout qu'déjà y dévos pu avoir gramint sof.aprés cha y avos l'course a z euf,inne cullère a café dins l'bouque avec un eu sur l'cuilère pi y avos un parcourt a faire,e"j té bouscule et j'te pousse ,des eus partère y n'avot et ej sais pon commint y avot un gagnant,et pi l'course à sac,tes fous tes gambes dins un sac a peumtières et te ceure in sautant,pi chétot dins l'rue du blanc ballot,l'course des garchons ed café,un platiau a l'main avec edsus un verre et inne carafe pleine d'iau,bin y n'avos du verre sur l'denne.ety pi y faut poin oublier l'course aux tresor,l'jury y donnot inne liste a chaque concurrent,y fallote trouver tous chés objets de liste et arvénir avec l'premier arvénu y avos gagné eximple (inne barouette,1 kg ed peumtiere,in ne glaine,inne botte ed porion,in siflot,tro biscaillin,un cotron noir bin l'plus dur chérot eu lend'main pour daller faire tes 8 heures t'avos passé inne bonne journée a rigoller in famile,mais t'étos crevé,bin l'ducasse ed Salomé,meme eu l'rue du blanc ballot ou bin l'rue du marais les Salomein y connotent pus
ch'duc21/11/2010 10:10
y avot aussi ches in manège in appelot cha ches vélos zazou, avant ech forain faisot tourner sin manège avec einne manivelle, après cha été motorisé,chetot des velos avec einne grante reule....
myrianna21/11/2010 10:58
et ch'forain , y'avot einne tiete d'bos , i mettot ch'pompon din l'bouque quesqu'in rigolot avec cha! quand in arrivot à attrapper euch'pompon , i donnot des claques al tiete
ch'duc21/11/2010 11:41
cha été el premier manèche qui s'est installé al ducasse du cinq in face du café ringard,et à coté ed ches gardins y avot ech bal volant ,el lundi y avot ech radio crochet ,pis ches majorettes qui défilettes din ches corons avec lharmonie municipale, que des bons souvenirs ,t'a connue cha aussi myrianna....
myrianna21/11/2010 11:50
bonjour ech'duc , bin ouais , j'ai connu tout cha , chétot l'bon temps!

Ech'radio crochet such'kiosque in bos , ej m'in rappelle aussi, pou ché gosses y'avot einne grosse boite in carton qui débordot ed jouets à gagner et pis y'avot l'course aussi qui passot din l'rue Jean Jaurès , in courot pou ramasser ché réclames qui jettotent ed ché voitures .
ch\linsos21/11/2010 12:10
eu m'mère a l'ralot quand j'attropos pon pon parce que si in avos un tour gratuit y fallot qu'elle paye les 5 autes parce qu'un étot 6 infants a l'baraque
lena21/11/2010 17:49
chétot vraimint el bon temps , el temps du qu'in allo à l' ducasse!
ch\linsos21/11/2010 21:09
ouais Léna chétot l'bon temps in s'amusot et y avot pon d'imbroulle
josy21/11/2010 21:41
Vous vous souv'nez de ch'train fantôme.....quand in a douze-treize ans,in a querre y faire un tour avec es'n'amoureux,histoire d'avoir un tiot peu peur et de s'rapprocher l'un d'l'aute et pis s'faire eun tiote bouquette
lena22/11/2010 17:56
vindouisse Josy tétos un'n rapite !
myrianna22/11/2010 18:05
al avot meme pas bsoin ed printt ech'train ..hihihi
myrianna22/11/2010 18:07
josy, josy ,mi, à 12 , 13 ans ej juos core avec min baigneur
lena22/11/2010 18:11
mi juos avec ches garchons mais au foot ou bien aux patins à roulettes
myrianna22/11/2010 18:13
garchon minqué
josy22/11/2010 18:22
bin quoi? à l'ache du collèche in jue pus à l'poupée!!!mais ej voulos pas non pus juer au docteur hihihi
lena22/11/2010 19:12
té peux el dire Myrianna: em paufe mère al aurot voulu que j' fasse del danse classique ou bien les majorettes mi j' ai choisi el judo

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:lind'main
français:lendemain
genre:n.m.
Accéder au glossaire