Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Forum général (tout sujet)
Sujet :cha s'vot que l'bieau temps y est là....
josy19/03/2011 22:07
Aujourd'hui ej devos nettier m'carrette pour définir....y a rien ed fait! avec l'hiver et l'f'rod in est resté au caud dins note cahute et avec chés bieaux jours (pas pour tout l'monde hein!) et bin in sort sin nez et chés voisines aussi,résultat: bla bla bla et bla bla bla,in s'raconte ses tiotes misères ed l'hiver,chés heures passent et ch'nettiache ed carrette y s'fait pas.Après ête restée accrochée avec em'langue avec deux voisines,j'arprinds min courache à deux mains (j'étos motivée hein) v'là qui in a eun aute qui arrife et qui comminche à papotter.....je m'sus dit,laiche te pas avoir ch'coup chi comminche à nettier et elle va s'in aller....bin nan nan,quand j'ai vu qu'elle a posé sin filet à commission (vous savez chés filets à commissions in nylon multicolor avec deux ronds ed pastique qui serv'tent ed poignées,cha date au moins d'y a quarante ans,mais cha vit cor)je m'sus dit:si elle pose sin filet ché qu'elle va n'avoir pour un momint,et bien sûr,mi, garnoule bien polie j'arrête ed nettier et bla bla bla et bla bla bla,in parle ed tout et d'rien,ajouté à cha,s'n'homme ne l'veyant pas arvénir,y est v'nu l'arjointe,in a parlé bricolache et jardinache, ché toudis qu'in est arrivé in fin d'après midi ou plutôt début d'soirée et l'carrette elle est toudis au minme point! ché rien ed'main ej l'inmènerai à l'éléphant rose pour y donner un bon coup ed karcher (à l'carrette hein,pas à l'voisine!).sur ce mes gins,ej sus mate d'ête mate (ché dur ed faire aller s'caquette après l'hiver) ej vous souhaite eun bonne soirée et eun bonne nuit....el mienne elle s'ra bonne ché sûr!
annesophie20/03/2011 08:50
Josy bin ouai ch'est comme cha ,mais au moins bin in arconnot là l'caleur humaine du Nord Vive les ch'tis
myrianna20/03/2011 11:54
ché vrai qu'ché bieau si ché core comme cha par là.. astheur in s'évite ...
josy20/03/2011 21:38
ichi comme ailleurs,cha marche avec el respect: si chés gins y t'respectent et ti de minme,y a nin ed problèmes,rien qu'un bonjour et cha suffit pour ingager el conversation.Par contre dins l'rue in vot arriver des jones ménaches pour qui un bonjour cha les écorch'rot (cha s'moque minme ed chés gins à plein nez),cha bot et cha fait la fiesta tout l'week end sans s'préoccuper ed chés voisins,là,cha coinche un tiot peu....
annesophie20/03/2011 21:41
Bin t'sais ichi si té dis bonjour à quéqu'un i t'ravisse avec des yux tout rond in dirot qu'té viens d'eune aute planète ...
josy21/03/2011 08:54
In vacances ché parel,pourtant in va pas loin,juste sur el côte picarde.quand té rintes à l'boulangerie et que té dis bonjour messieurs dames,chés y s'artourn'tent et pis y t'raviss'tent ed travers un air ed dire ed'dù qu'elle débarque chelle chi!mi j'ai querre leur regard ed bochu,ché pour cha que j'continue à dire bonjour quand j'arrife.mais minme el boulangère qui a pourtant l'habitude elle répond pas,ché juste quand t'arrifes à ch'comptoir qu'elle te dit bonjour! y sont bizarres hein!
annesophie21/03/2011 09:23
Ouai mi aussi j'dis bonjour ,merci s'il vous plait et pis arvoir minme mes tiots pis quand quéqu'un nous répond bin là ch'est nous autes qu'in est surpris obin in s'dit tien li i n'est pas d'ichi cholaille
myrianna21/03/2011 09:40
mi ej dis toudis bonjour à ché caissiéres inn'a gramint qui m'ont dit eq ché gins i pinssent qu'al sont incorporées avec el caisse....

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:picher
français:pisser, uriner
genre:v.
Accéder au glossaire