Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :EJ VEUX MES MAPES!!!!!!!!!
jeangabelou5902/04/2009 07:41

El tans i teurne au biau, ch’matin, comme el solel i récauffot mes caveus gris ej me su mi à busier. I m’a pos fallu longtimps pou m’ar’treuver sossante ans un arrière.
J’avo des maronnes à minches queurtes, des blèques tout plein mes j’noux, un beret su m’tiète qui queïyot su mes yux et mes poques rimplies ed mapes.
Tous z’ans chétot parel, au momint dù qu’l’hiver i mettot s’r’habillure ed bieaux jours, tous ches jonnes i avotte leus poques inflées comme des sacs ed patates, pos tertous bin sur, i y'avot toudis des malapates qui s’féjotte pleumer à chaque cop qu’is juotte.
Cha durot quasimint tout l’année. Su l’kmin d’l’école cha tiquot à tous ches coins d’rues. Aveuc des rues un tière, rimplies ed nids glennes et sins carette à pétrole, in avot bon tans ! Après l’école chétot rebelote, d’vant ches masons ches bindes ed’jonnes jinglotte, bin vite in attindot –In jus aux mapes ? Ouais al line ! Nan au trianque ! Et si in juot au tro qui dit l’aute ? Pou finir in finichot par juer au mont !
I a qu’au momint d’ech tour ed France qu’in étot d’accord. In creusot eune rigole, comme chelles pou s’mer des pos d’chuque, dins l’tière d’chele rue ; seul’mint in avot des ruses à les t’nir, à causse ed ches vélos qui prénotte leus roeulles ed dins. Cha traînot pos, i avot toudis quéqu’in pou mette des chintes ed’sus ; bin intindu un arcominchot pus long ! A forche d’éte à crou-crou pou juer, in étot crapés comme des fouans, nous loques plein d’pourète.
Au bout d’un momint, perdouf i’n’a un qui berlificotot pou gruger les autes, aussi sec tertous un piquot nou crisse – rinds me emn’agate, nan chétot un calot, minteux té n’na pos ta qu’des mapes, ej va l’dire à min frère nenesse, i va t’foute su d’guife.
Mi, quind m’malette ale comminchot à s’vider ou qu’cha tournot vinaique, ej proposo des buvards al plache, mais cha ch’est eune aute histoire...

Jean Marie Klavzer

-malapate : maladroit – ruses : avoir du mal à – fouan : taupe – berlificotot : trichait – gruger : tromper

maceju02/04/2009 08:23
faut avouer qu'tes meilleux aux mapes , qu'avec ed'cafetière , j'ai deja essayé ed'raconter ech't 'histoire ed'mapes ,mais j'ai jamais réussi in de***ion parel , et pi ya chés mots qu'javos oubliés , comme malapate , jingler , etc , t'as dit al line nous in dijot aussi au long , t'as oublié al pouillette , mais j'cros qu' chetot aux monts, et in question , t'as jamais été artard a l' ecole et qu'ech'maîte y prennot tout tes mapes ?
tiote belotte02/04/2009 09:01
pis c'est indémodape chés mapes, mes tiots is y jue'tte toudis
fouan et malapate, j'connaissos pas

jean ti aussi té devros faire in life avec tous chés souv'nirs......
jeangabelou5902/04/2009 09:07
mi j'ai fait miux maurice, un cop ch'maite (cousmac) i nos parlot d'el batale ed Valmy et pindint ch'tans là ej tripoto mes mapes j'ai tout fait querre t'imagine el dalache!!!
cartouche02/04/2009 09:52
ch'est vrai qu d'souvenirs in core un cop.
eune fosmin grand frère y s'a mis din l'idée ed'fabriquer des mappes, y a ramasser ed'l'argile y a fait des tchiotes boules et y z'a mis dins l'four pour les cuire. eune fos cuites y les a peint avec de l' peinture à l'ieau. Première partie qui jue s'mappe alle est tiquée et alle se casse in miettes, l'deuxième alle roule dins eune flaque vla tout l'peinture qui s'in va. Y avot pus personne qu voulot juer avec li
maceju02/04/2009 10:17
TAS raison tiote belotte , avec es memoire d'elephant,,,,,chetot in bonne idée et faire ses mapes li mêmes , mais yarot pas du rester d'su un echec , yé trop tard ach' teur , j'in vos pu juer
DANIEL DOUTRELON02/04/2009 14:21
mi min biau père i travallo au 19 yétot ajusteur i rapporto de bicaien ,chétot pas quere ejdonno un bicaien pour tro bile ed verre,ou un pour 10 mappes
maceju02/04/2009 15:23
cha yé j'su rintré , in est grammint miux din in tiote maison qu' din un grand hopital
t'avos trouvé ech'filon , daniel pour chés biscayens , mi j'em' rappelle pu ed'ché tarif , ché vrai qu'des fos chetot un sacré commerce tout cha ,
DANIEL DOUTRELON02/04/2009 16:38
ché jones mintint y connot pas tout cha,ché comme el guise ej dit toudis que j'va un faire inne avec un manche a ramon
annesophie02/04/2009 16:51
ché quo un guise?
maceju02/04/2009 17:07
in guisse anne sophie ché un morcieau ed'manche ed pelle ou d'outil ed'gardin , 15 a20 cms ed'long , taillé in pointe ed'chaque coté , et pi ya in batte même morcieau ed'bos , ed 50 cms ed'long , apres t'es d'mande a jean , qui li al bonne manière pour espliquer tout cha , mi ech'va em' melanger les pinceaux din mes esplications , et t'es va rien comprinte , allé jean au boulot in compte d'sur ti
DANIEL DOUTRELON02/04/2009 18:08
anne té déminde a edmond taniére y a inne canchon al juot a l'guise in plus si té cache des canchot in vla inne
annesophie03/04/2009 07:03
merci Maceju ej sais qué ché in baton taillé des deux bouts acheteur Bin chétot dingereux ed jeuer avec cha alors! El canchon jel connos Daniel Doutrelon mais ej croyos qué chétot in instumint ed musique in guisse Bon j'ai cor découvert quétiosse ej m'instructionne tous les jours grâce à vous tertous
chtitemarie03/04/2009 08:29
J'connossos même pas ch'mot mape. Merchi Jean, et si y avot que ch'mot là. Te m'in apprinds tous les jours.
D''ù qu'te l'as vécu t'n'infance ? Textile ou mines ?
jeangabelou5903/04/2009 09:43
dins eune cité fort agréape...aveuc des aïures et des rosiers grimpants...rin à vir aveuc ches corons.....l'textile ch'est à 16 ans quind i m'a fallu ouvrer....j'étot teinturier amon Boussac à Marcq en Baroeul
chtitemarie04/04/2009 18:05
Min frêre y étot dins la teinture chez Boussac à Marcq ... J'su surte que te dos eul connaite.
jeangabelou5905/04/2009 16:18
chitemarie suite à ch'que te dit pas d'zeur ej me su permis ed t'invoyer un message personnel
chtitemarie05/04/2009 22:36
J'ai ben archu tin messache mais in dirot qu't'as nin archu eul mien qu'jai invoyé ch'matin. J't'ai répondu ch'soir.

J'confirme t'as ben travaillé avec min frêre, ch'étot un viux pour ti, douze ins eud pus que ti z'aute. A c't'heure i reste à Lambersart.
J'vas l'appeler quand i s'ra d'artour chez lui.
jeangabelou5905/04/2009 23:04
si j'avos bin r'chu tin message mais ej l'ai treuver pu tard...té m'crora pos mais ej le vos incore din tiète aveuc es blousse blanke...chétot pos un difficile...in étot tout eune équipe, in ar'vénant, ed l'armée j'ai cangé ed service aveuc un nommé Noël technicien aussi ... ch'est là qu'j'ai concouru pou été motard dins les douanes.
jeangabelou5905/04/2009 23:10
pou l'anecdote eune perd ed noms ed cadres Lermigeot el dirlo ,Rouvilain.,Boitel el PDG et j'in passe des meilleux....
et pis che amon Boussac qu'j'ai rincontré em moitié ale travaillot in compta su grind boul'vard
chtitemarie06/04/2009 08:26
Eul boulevard eud Lille d'ù qu'eul mongy passot, un bon souvenir pour ti z'aute. T'as donc épousé eune pure 59 ?

Comme cha min frêrot i portot eune blousse blanque ? A m'mote qu'ch'est là qui a appris eul patois.

Pour min frêre, j''artiens ches noms qu'te dis pour parler avec. In ch'momint i est in Bourgogne chez un aute frêre. In f'ra eul point à sin artour à Wasquehal. J'm'ai trompé ch'est pas Lambersart.
chtitemarie06/04/2009 08:28
J'ai connu auchi un rouvilain, un dijot toudis "Rouvilain, pas d'brin!"
jeangabelou5906/04/2009 10:27
Ouai em fenme ale est ed pelvoisin......pou tout dire ale avot 17 ans et mi j'rintro du régiment, ale partichipot à eune colo boussac et mi j'éto moniteur pou ches garchons.....té vos l'tiéte d'em belle-mère à v'nir....3 mos après ej passo l'concours pou rintrer un douane...........
chtitemarie06/04/2009 16:11
J'ai parlé avec eum belle soeur, elle connaît tous ches gins qu'te parles.

Cha confirme.
chtitemarie06/04/2009 16:17
3 mos après ej passo l'concours pou rintrer un douane........... et 9 mos pus tard t'avos un p'tit quiquin ? A ch'timps là, in avot pas eul pillule contraceptife
jeangabelou5906/04/2009 18:12
bin marie em bielle-mère ale veillot au grain, in s'a marié deus ans après...em bielle -mère ej l'ai mis dins m'poke in inveïyant 20 rosses rouches par inter-flora, pou ches vingt ans d'em future....chette funme ale a compris qu'j'étot un "gentlemint"
chtitemarie14/04/2009 17:57
Ches rosses ch'étot un bon plachemint.
maceju14/04/2009 18:17
in genéral nan ché pas des bons plachemints , surtout pour in belle mère , y parait qu'cha peut arriver , mais ché tres rare pour pas dire exceptionnel , ravisse sin café a jean ,,,,,

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:pus
français:plus
genre:adv.
Accéder au glossaire