Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :L'CABANE AU FOND DU GARDIN
cartouche06/04/2009 11:15
L'CABANE AU FOND DU GARDIN


eune tchiote cabane in planques
dins ch'gardin sous chés branques
sur l'porte au milieu bin déssiné
un tro in forme ed'coeur décopé

quand te t'approche t'indinds
des tas de'mouques boudonner
cha dot ête l'odeur du brin
qui suremint les ara attirer

qand t'eufe l'potre te vos
acrroché à ch'mur sur un clo
des morcieaux ed'journal
copés tertous à l'même talle

cha fait passer l'temps ed'lire
chés artiques qu'in a déjà lus
ch'est après qu' in va s'in servir
pour s'essuyer, ch'est pas perdu

quand y fait bon qu'ch'est l'été
in a pas ed'problème pour y aller
mais quand y gèle, dins l'frodure
t'as du mal à inlever t'cheinture

t'y vas vraimint par nécessité
pasque te préfèreros t'in passer
mais cha ch'est comme décéder
quand faut y aller faut y aller

BIERLAIR René dit Cartouche
cartouche06/04/2009 11:37
j'viens ed'm'arlire....au secours que de fautes !
jeangabelou5906/04/2009 11:42
bravo cartouche Cabrel i a pos fait miux....ch'est vrai qui fallot du courache...mi pou m'in donner ej canto...sins parler ed chelle corvée d'bernatier cha donnot des bielles pétotes (ej dis pos pun d'tiéres pétotes ch'est pus indiqué)....incore bravo
cartouche06/04/2009 11:46
merci Jean, ch'est vrai que pour ch'gardin ch'étot un bon engrais
DANIEL DOUTRELON06/04/2009 12:40
bravo cartouche,ché jones y savent pon s'que ché,maintenint ché dins mason té tire el chasse d'ieau,et cha sin el parfum quin aime bien,et pi y faut pu pichoter,in met ed l'ingrais
maceju06/04/2009 16:01
eh ouais ché cor des sacrés souvenirs tout cha , surtout el vidanche mi j'n'ai un in particulier , j'in rigole ach'teur mais ech'jour la ,,,,,,
cartouche06/04/2009 16:10
in veut la suite Maceju...
chtitemarie06/04/2009 16:21
question sintimint, j'préfère l'hiver.
chtitemarie06/04/2009 16:24
La suite, j'l'a connais, j'ai fait des camps scouts ...
Souv'nirs impérissapes.
maceju06/04/2009 16:51
ben vla , chetot in 1948 , 1949 , din note nouvelle maison al cité des fleurs a lens , j'avos donc in dizaine d'année , et bien sur in vidot les chiottes nous même , yavot min père qui arsaquot sin séeau , avec in corte , il vidot din l'bouleusse qu'yetot posée d'su el ' brouette , min frère qu'yavot a peu pres 18 ans , y broutot jusqu' ach' gardin , et pi mi et ben ech ' tenot el bouleusse , et un tournant a gauche pour rintrer dinch ' gardin ya surmint eu in secousse ,,,,,,, et ben voila ch ' te laiche deviner el ' suite , ech'pari qu' t'es trouveras pas ?
cartouche06/04/2009 16:58
si j'ai bin compris t'étos dins l'brin
maceju06/04/2009 17:13
j'savos ben qu' t 'aros compris , ché assez désageape , et la incore ech' supposse que t'es comprinds pourquoi
cartouche06/04/2009 17:26
j'parie que te sins incore ch'l'odeur quand te ferme les yux et que t'y pinse
maceju06/04/2009 17:48
ouais alors , heureusemint qu'ché pas souvint qu' jy pinses , mais ya toudis qu'elqu'un pour em l ' armette in mémoire , et t'es vos ech'cite personne , mais cha reste malgré tout des souvenirs que j ' peux raconter a mes tiots infants ,
cartouche06/04/2009 17:53
mi ene fos j'sus quéhu dins eune fosse dù qu'y avot de l'pulpe ed'bettrafe cha sintot pas bon non pus
jeangabelou5906/04/2009 17:58
aveuc tous ches histoires scatologiques in d'vrot juer au tiercé chette semaine
cartouche06/04/2009 18:12
à choisir ch'préfère core l'loto, comme cha t'imbête pas les gvaux
maceju06/04/2009 18:18
bon ben ech'cros qu ' el meilleur solution ché ed' mette al masse , ed' boire un jus ed' fruit aromatisé , quo qu ' ché vous in pinsé
in bonne nuit a tartous j' min vas rever ed'ses lapins a annesophie
el pire ché qumarie al a pas répondu pour em ' faute ?
cartouche06/04/2009 18:28
j'sus d'accord avec ti Maceju, un jus ed fruit aromatisé
annesophie06/04/2009 18:30
Bonne soiree Maceju









annesophie06/04/2009 18:32
Cartouche minme avec les cabinets t'arrif à toucher em sinsibilité ouai chétot marrant des fos d'aller au mitant du gardin
cartouche06/04/2009 18:34
marrant quand y faisot bieau, pas que l'hiver.....
annesophie06/04/2009 18:35
ouai i fallo pas avoir el drisse .....
annesophie06/04/2009 18:37
Bon mes gins eune bonne soirée à tertous à d'min j'ai cor bin rigolé aujourd'hui tout in pinsant bin à l'Italie et bin sur à Tiotebelotte









































cartouche06/04/2009 18:38
quand j'étos jone l'hiver j'm'artenos jusqu'à l'dernière limite
annesophie06/04/2009 18:43
pis après chétot fait dins l'marronne (bon allé j'arete eune bise amitieusse pour em faire pardonner )

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:simpe
français:simple
genre:adj.
Accéder au glossaire