Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :Ches roul'mints à biles
jeangabelou5909/06/2009 16:32
Ech matin in dalant faire mes commissions j'ai minqué ed me faire ratiboiser pa eune plinke à roulettes! I avot qu'un jonne dins l'rue, sur'mint qui faijot queuette, et bin ch'est ch'ti là qui a minquer ed me faire querre. El rage ale monte à min nez, te peux nin faire intincion nanasse qu'j'li dit....i m'ravisse comme un ébeulé et i m'rinflique "ravisse du qu'te marche papy"....
Cha n'sert à rin d'ingager eune guerre pou si peu, surtout qu'ech jonne d'aloute i avot raijon ej marcho su l'pavé...
Tout un continuant min kémin, j'me sus mis à busier qu'dins fond i a chinquante chinque ans j'éto parèle. Bin sur mi ch'est pos su eune planke à roulettes qu'ej faijo el Jacques mais su un roul'mint à biles :
Une large planke, eune pus tiote et quate roul'mints (ch'étot pos facile à treuver.) Chele tiote planke ale étot articulée su l'grande, aveuc deus roul'mints et eune corte loïée à chaque bout pou l'méner, deus roul'mints su l'grante planke i restot pu qu'à treuver eune déchinte cimintée
Dins nou cité i avot pos à cujir, ch'étot l'rue tout l'long ed l'égliche! Un d'vos juer à muche-muche aveuc el garte des mines.....
Ej parle pos des maronnes dékirées et des sorlets machuqués, forchémint in freinot aveuc nous talons. Mi ej devo mucher em engin dins pouillé ed min taïon, là em père i s'ro pos v'nu el querre.....Allez jonnesse continuez à bourler su vous "skettes bornes", pindint ch'tans là vos choulez pos ches vièles et finmes.......

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:rimplir
français:remplir
genre:v.
Accéder au glossaire