Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :El bal volant
jeangabelou5925/06/2009 07:42
Bintôt in s’ra au mos d’juillet, el mos d’ches kermesses et d’ches ducasses. Dins m’cité, el ducasse chétot el 14 juillet ? A partir du premier ches jonnes d’venotte solants pos possipe ! El pire ch’est quind ches barakeus is arrivotte pou s’mette in plache. Ches parints devotte toudis avoir un eule su leus infants. Pis à forche ed grindir, in finichot par avoir des lonques maronnes et cate chinque poils à nou minton ; du cop ch’n’est pus ches manèches, qu’in ravisot ourder, mais ch’bal volant.

Commint oublier tous ches sintimints qui montotte dins nous narines, un mélanche, ed sint-bon, brillintine Roja, Forvil, cuir ed russie, sins oublier chti d’el bière qui coulot ed ches tonniaux, chti ed ches frites bin grasses, al graisse ed kwau.
Pus l’tans i passot, pus i avot des nouviaux sintimints. A forche ed dinser el sueur frèquichot ches kmiges, et à forche ed chucher des pintes i fallot bin vuidier el trop plein. Pou pos perte leus cavalières ches garchons is allotte au pus vite picher à l’cour conte ches murs in bos. Au bout dins momint in s’croïot dins eune basse campe...
In bal sins potin, cha s’ros pos un bal. Là aussi in étot servi. Ch’est pos tell’mint ches musiciens qui brisiotte nous orèles, bin souvint in treuvot un accordéonneux qui juot aussi du bandonéon pous ches tangos, un violoneux et un jazz ; Kubiack ej l’ai jamais acouté dins in bal ed ducasse.
Nan, l’pire, chétot tous ches piés qui buquotte el planker Au bout d’eune heure el pourète ale incrassot nous gasios, du cop in d’vot el faire déchinte.
Tous ches filles is dansotte, in allot les déssaquer su leu banquette. Quind un prenot pos eune paffe pou avoir laiché glicher nous mains, in commindot eune boutèle ed mousseux pou finir el soirée. Commint qu’cha finichot ? Cha ch’est eune aute histoire !
Bin sur au pus qu’in avinchot dins l’nuit, au pus que ches ervleux cachotte à arlouquer ; ches glinnes ales couinotte comme des pourcheaux qu’in saine quind ch’étot leu amoureux qui prenot un marron su sin groin.
A eune heures du matin el farandole ale donnot l’signal ed la fin, eune paire ed baisses, pus si affinité, in arlandot pou arconduire nou dulcinée, arrivés à s’mason in faijot l’pignon, du moins quind es man ale buquot pos al ferniète.
Heureus’mint el s’maine suivante chétot l’arbond !

Barakeus, baraquin : forain – ourder : monter – kmige, kmise,kémiche : chemise – vuidier : vider, sortir – ervleus : nerveux,vif (entreprenant, fringant) – arlouquer : frapper – arlander : traîner

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:cotron
français:cotillon
genre:n.m.
Accéder au glossaire