Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :ches tiots pos
jeangabelou5905/07/2009 11:33
Cha fait eune paire d’ans qu’min fiux i m’atind braire su min gardin disparu. Ch’est vrai, qu’à chaque fos qu’ej vos un biau gardin, min keur i buque comme un maboule.
El pus dur ch’est dins ches magasins quind ej ravisse ches carottes, tell’mint pâles, qu’in dirot qu’ales ont trimpées tros jours dins l’potache, ou bin ches salates à mitan bradées, ej parle pos des porions montés !
Ou bin alors ch’est l’contraire, is sont tell’mint biaux ches légunmes qu’in s’deminte si in a pos arfoutus eune couche edcouleur pa d’zeur, tous d’el même grosseur, tertous sortis d’un moule, des légunmes qu’in treufe tout l’long ed l’année ; forchémint is voïachent in avion pou v’nir du bout du monte. Ej su sur’mint un viux ronchon, mais mi ej su ed pus in pus nacqu’cieux pou maker !
Ch’est pou tout cha, qu’min garchon i m’a consiller daler faire un tiot tour amon « JOLIE COEUR» ; ch’est eune cinsière qui vind des légunmes.
Et bin mes gins ej n’ai pos d’argrets ed l’avoir acouté. Ch’est eune vièle cinse comme in n’in vot pus, l’cinsière gramint moins vièle que ches murs, ale vos akeuille aveuc eune risette « quo qu’in peut t’servir jolie keur ? » et joli keur par chi et joli keur pa là, ch’est comme cha jusqu’au momint ed païer.
Ej sinto tous ches bons sintimints, que chétot agréape ! Ej rimplit min cabas aveuc eune masse ed légunmes qui sintotte el fraîche et l’bonne tière ed courti, tout in d’visant aveuc « jolie keur » ; in parlot gardin bin sur, el tans i a passé. In rintrant em finme ale me dit « té les a cueilli tes tiots pos ? »
Comme j’in avo acaté tros kilos, ej me sus mis à écossés in ervétiant el départ d’ech tour.
Bin intindu, el mitan ed min lit ale voulot tout savoir, mi j’in rajouto eune louche pou l’amarvoïer, faisant d’el cinsière un biau tiot rojin bin aimape, et pos des pus farouche. Au bout d’un momint ale me dit « té sais l’aute cop al télé is ont dit qu’ches tiots pos in boite, ches nin mauvais pou l’sinté ; el prochaine fos, cha s’ra pos la peine ed keurir si lon, te dis toudis qu’est mate, t’iras à carrefour in querre tros boites.

jmk

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:immailloter
français:emmailloter
genre:v.
Accéder au glossaire