Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :Karaoke
batisse17/07/2009 00:39
J'ai invie de vous parler d'eune séquo qui m'énerfe
Eune séquo bin moderne, qui est faite pour s'amuser.
Sin nom i est in titre, rin que le vir je chus in verve
Ouais ch'est le karaoke, cantez, même les mauvais.

Je dis même les mauvais, mais comme un fait exprès
Dins la réalité ch'est surtout les mauvais.
J'ai nin appris l'musique mais j'ai l'z'orelles sinsipes
Si j'intinds eune fausse note j'ai min tchoeur qui palpite.

Le mot karaoke, s'écrit avec deux k
Deux k cha fait caca, ch'est suremint fait exprès.
Il y a aussi un r, comme un air de musique
Et pis quelques voyelles qui le rindent exotique.

Ce machin est odieux car il fait croire aux gins
Qua canter ch'est inné, qu'i a rin à travailler.
Te lu donnes un micro, i s'prentent pour Pierre Perret,
Sins se rinte compte qu'i sont nuls à faire grincer les dints.

I sont marints les gins, tchand qu'i s'agit de canter
I crottent que ch'est facile, d'ailleurs à l'maternelle
I cantottent déjà des tiotes ritournelles
Qu'i s'in rappeltent incore, ch'est dire si i sont doués.

Ch'est aussi au momint qu'is étottent à l'école
Qu'is ont appris commint in roulot in vélo
Ou qu'à l'récréation i juottent au fooball
N'impêche que d'être sportifs, des vrais, ch'est du boulot.

Alors mes gins pitié, si i a karaoke
Invintez n'importe quo, que vous êtes inroués,
Mais refusez de canter, pinsez à vous public
Pinsez aux musiciens, aux gins épris de musique.

Dins l'même ordre d'idée, tertous in sait écrire
Pourtint des écrivains, des gins qu'in aime à lire
Qu'in aime lire pour de vrai, nin pour lu faire plaiji,
I n'in a pos grammint. Cha aussi ch't'un méti.

Musiciens, écrivains, interprètes ou poètes,
Vous qui cachez toudis à imbellir nous vies
Vous devez bin souffrir tchand qu'arrive eune fiête
D'ùche qu'un karaoke salope vous métis.

Second, voire troisième degré...

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:aheurer
français:être à l'heure
genre:v.
Accéder au glossaire