Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :Galibot
cartouche19/08/2009 15:50
Galibot

noir terril limite de m'n'horizon
noir terril limite de m'n'imbition
tchiot fieu et fieu ed' mineur
je prindrais l' quémin du labeur

j'ai eu hier mes quatorse ans
ch'est fini les jupons de m'man
ed'main j'déquindrais au fond
comme ez'autes armonter du carbon

j'aros bin voulu ête docteur
avocat ou bin instituteur
mais les étutes cha coute
mi fallot que j'gagne m'croute

et quand min père silicosé
trop usé n'pourra pu ouvrer
cha sera min tour d'nourrir
tout l’famille et de l'chérir

ch'est un dur métier mineur
mais in est fier d'sin labeur
in armonte tout noir ed'carbon
mais in marche in levant sin front

in rinte sans baisser les yux
même si ailleurs y a miux
comme min père et min taïaon
contints d'amonter du fond

Bierlair René dit Cartouche
maceju19/08/2009 16:05
ché pour mi cha cartouche ? MERCI , cha veut bien dire s' que cha veut dire
cartouche19/08/2009 16:07
ch'est vrai qu'j'ai pinsé à ti in l'écrivant
annesophie19/08/2009 16:55
bravo Cartouche,ch'est touchant
Pascale20/08/2009 15:03
j'les arvos cor armontant ch'boulvard
coudes à coudes, prenant toute el largeur del rue
Sur 5 à 6 rangs un peu espacés
In auros dit inne vague ,pressée d'arriver.
D'timps in timps, y in avot un qui décrochot,
Y étot arrivé.
Ch'étot dins les années 50
Ch'carreau y etot in bas del rue...

J'parle pas des galibots, d'min temps y n'avot pu....

Encore merci cartouche.
maceju20/08/2009 16:02
mi j'avos un tiot km pour yaller , ché vrai qu'cha armu pas mal ed' souvenirs , tous pleins ed' belles imaches , comme té dit pascale , et pi yavot pas ed' carettes , d'su rue ,
Pascale20/08/2009 16:26
ouai, maceju y avot pon d'voiture dins ch'temps là
Min onc' y en avot inne et quind in intindot un moteur, in étot sur qu'ch'étot pour nous!
jeangabelou5921/08/2009 09:49
ej pinse qu'i n'a eune paire su le tiot nuage qui dotte avoir leus yux frèques................
lyly09/10/2009 20:14
Encore une fois des beaux textes...
myrianna10/10/2009 10:27
MERCI cartouche
cartouche10/10/2009 10:32
ch'est avec plaisi que j'vous fais partager mes souvenirs
lena10/10/2009 18:31
cha nous fait rapp'ler el bon temps quand in étot tiot
ch'duc11/10/2009 20:48
ch'est bien dit et bien fait ,bravo cartouche !
chtiteMarie11/10/2009 21:30
Dis-me, Cartouche, cha fait combien eud timps qu't'as quitté tin villache ?
In dirot qu'tout cha ch'est core fort présent et fort vivant dins tin cœur. L'émotion elle est là ...
cartouche12/10/2009 16:08
cha fait presque 40 ans mais ch'est et cha sera toudis mes racines et pour c'qui est d'l'émotion j'vas suremint faire rire mais i m'arrife ed'braire in écrivant
lena12/10/2009 18:51
surtout n' canges pas Cartouche pasque s' que té racontes si bien ché toute not' jeunesse et cha n' s'oublie pas donc merci
chtiteMarie13/10/2009 11:10
Mi j'ai quitté ch'Nord début soixante neuf, cha fait comme ti z'aute.
A part un long passache à Paris, j'me sus inrachinée nulle part.

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:arape
français:arabe
genre:n.m.
Accéder au glossaire