Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Café littéraire
Sujet :l'silicosé
cartouche24/09/2009 14:36
l'silicosé (copyright france)

sur ch'querpion i s'in va ployé in deux
i sufoque comme eune vielle locomotife
à s'n'ache i a bin du ma à devenir viux
mais l' silicosse ne l' laiche pus vife

y voudros core aller au carbon
mais y a bétôt pus ed'poumon
alors y traine s'vielle carcasse
duchemint in trainant ses godasses

i s'forche au moins eune fos par jour
à s'promener dins sin vieux coron
à essayer incore d'un faire l'tour
vire des gins pis rintrer a s'maison

ch'vint y souffèle dins chés rues
chés gins arserr'tent leux pardessus
l'air y est ed'pus in pus frais
in sint qu'l'hiver y va arriver

dins chés gulots les feulles mortes
vol'tent in tournant d'vant chés portes
ch'ciel y est querqué ed'nuaches gris
ch'bieau temps d'l'été y est bin fini

bétôt ch'arsera noel,neiche et verglas
ch'temps y passe ed'pus in pus vite
surtout ed'puis qu'alle est pus là
i l'avos si querre s'fosse du huit

eune fos qu'l'automne sera passée
i n'a core au moins pour eune année
pour chés feulles pour chés silicosés
ch'est l'saison pour duchemint s'in aller

Bierlair René dit Cartouche
maceju24/09/2009 15:10
ouais in s'traine , pi ché tout
cartouche24/09/2009 15:25
Maurice j'ai pas dit cha pour ti ne l'prinds pas mal
maceju24/09/2009 15:46
bin j'l'espère bin qu'ché pas pour mi et j'ai jamais pinsé a cha , , j'avos pourtant arcomminché plusieurs fos min commentaire qu'ej'trouvos
TROP ,,,,,,,,,,, PAS ASSEZ,,,,,,,,,,,,,,,,,,ech'pinsos vraimint qu'min tiot mot , y dijot s'qui fallot dire , et rien d'aute , nan cartouche , prinds le din l'sens la
cartouche24/09/2009 16:13
alors cha m'rassure
jeangabelou5925/09/2009 15:41
Merci pou eux René, mi dins m'famile j'ai vu partir deux monnonkes, silicosés à 100%. Min père i étot aussi silicosé, mais moins. I disot toudis "mi si ej su cor là jch'est pace que j'ai fait el carton dins eune cinse intre deux".
annesophie25/09/2009 16:01
les mots m' manque ch'est bieau ,cha fait ed mau in minme timps mi j'avos min Pépé Michel silicosé et pis min grand oncle Augustin li i est partit ed cheule maladie là
cartouche25/09/2009 17:55
mes mononcs y sont tertous partis comme cha
lyly09/10/2009 20:13
Merci encore c'est à méditer....

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:taure
français:taureau
genre:n.m.
Accéder au glossaire