| Café littéraire |
|
|
|
| cartouche | 27/09/2012 10:05 |
|
DINS MIN GARDIN
L’matin quand ch’solel i s’lèfe pas d’zeur ch’terril
qu’ ses rayons récauf’tent et éclair’tent min courtil
mi tout in binant l’tierre dins mes routes d’porions
j’sus bénache, j’chiffèle toudis eune tchiote canchon
Eune rangaine joyeusse d’ Raoul ou bin d’Edmond
mi dins min gardin,j’pinse pus à ch’ carbon
ch’est un peu comme si j’avos canger d’métier
que du bon air, y a pas d’poufinque à respirer
J'vas ramasser des naviots et des jones carottes
un pied d’céléri des porions, eune tchiote botte
comme cha c’soir m’femme fera eune bonne soupe
avec un reste d’lard cha coutera pas eune doupe
Après j’irai nourrir mes glennes et mes lapins
à ch’pouli si y a eune paire d'oués cha sera bin
je m’dis qu’in a d’la chance d’juer au sincier
quand ches diminches in a pas à aller ouvrer
Mais cha passe vite d’main cha sera aute cosse
faudra arprinde s’musette artourner à l’fosse
mais i faut pas s’plainte et s’faire eune raison
ch’ti qui nous loge, nous nourrit ch’est l’carbon
Bierlair René dit Cartouche |
|
|
t'as connu min pére cartouche?? ché tout li dins tin poéme
Merci ché bieau |
|
| annesophie | 02/10/2012 08:58 |
|
| Bravo ,ch'est bieau .Comme toudis |
|
| marie lyne | 10/09/2013 20:49 |
|
| mais Ch'est comme tt cha que t'a écris, tout arflète l' biauté, in resse ch' coeur plein d'émotions merci Cartouche |
|
|
| ch'est bieau mais mi j'ai oublié le cht'i! quarante ans que j'suis partie du Nord! |
|
|
| In biau poème Bravo Cartouche |
|
Accueil forums