Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :d'jà mercredi jour des infants
ami 596210/04/2013 08:10
ch'marabout y est plein fait comme a t'majon
bin dins l'timps ch'étot l'jeudi ,ch'étot bien ,in artrouvot ses copains d'école a ch'cathéchisme pis chés files ed notes aches in faisot l'malin dins cour de l'salle paroissale fier comme un paon qui fait la roue ,achreur l'salle paroissale ej sais pon a quoi al sert mais sur'mint pon a apprinte la vie ed Jésus et pi a donner unne bonne morale
cartouche10/04/2013 08:55
bonjour mes gins, l'solel i blinque, i va faire biau, merci ami5962 pour ch'café.J'm'in rappelle bin des jeudis de m'n'infance, d'aiileurs vla chi un tchiot poème qui n'in parle :

MES JEUDIS

dins l'temps y avot pas école l'jeudi
alors in allot cueillir des picholis
ou des couronnes pour nourrir ches lapins
in arvenot pas si ch'sac i étot pas plein

m'grand mère alle controlot note cueillette
fallot pas donner n'importe quo a ches biêtes
alle ravisot bien si y avot pas d' mourron
si tout c’ qu'in ramenot ch' étot du bon


ch'est seulemint après qu'alle avot verifié
qu'in avot enfin l'drot d'aller s'amuser
à condition qu'ches devoirs seuchent faits
et fallot qu'à six heure in seuche rintré

des fos y avot aussi les carottes à démarier
cha j'avos pas quer cha m'a toudis énervé
c'que j'préféros ch'est arpiquer des porions
j'faisot des rangées d'tros avec un baton

apres j'mettos un porion dins chaque tro
et les j'arrosos pour arboucher ches tros
l'plus imbêtant ch'étot l'desherbache
des heures ajouqué cha m'mettot in rache

des fos is étotent fort longs mes jeudis
j'avos hate que l'ouvrache seuche fini
pour m'in aller juer sur ch'terril vert
avec mes copains et pis min grand frère

Bierlair René dit Cartouche
myrianna10/04/2013 08:58
Bonjour mes gins

Merci pou ch'café ami 5962
Y'a un bieau solel ch'matin .

Ouais l'Jeudi chétot bien , ej faisos mes devoirs l'Mercredi soir pour pouvoir juer tout l'journèe dins ch'gardin avec m'copine .Ech'carré d'thym inn'a vu des reuls ed vélo passer sur li!
L'aprés midi chétot l'télévison , y'avot jean Nohain j'cros et sin "Bonjour les petits enfanst" et y'avot un feuilleton qu'j'avos ker chétot "Poli", poli, polisson petit , petit vagabon" chétot un tiot poney.J'avos pas ker Ivanhoé , min voisin i courot dins l'allée d'ech gardin in tapant sur sin cu quand chétot fini in "gueulant" Ivanhoééé ,ivanhoéééé
Des fos in allot à Auchel avec m'copine à mon de s'grand mére , al nous fesot des tartines ed confitures épaisses 2 dogts cha dégoulinot su nos babines..

L'catéchisme j'fréquentos pas , in avot ker l'couleur rouche am baraque..

Bonne journée mes gins

myrianna10/04/2013 09:01
Ché bieau Cartouche , Merci
ami 596210/04/2013 09:59
a l'télé y avot le jeudi ,l'séquence du jeune pestateur j'aimos ej ravisos toudis ,mais y avot m'mère qui faisot cirer chés bottines cha chétot unne corvée surtout qui avot pon qu'les miennes fallot faire cheux ch'plus jones
ami 596210/04/2013 10:01
in faisot pon qu's'amuser fallot faire sin traval ,dins ch'gardin ou dins l'majon
flobart10/04/2013 10:38
bonjour mes gins , merci pou l'jus ami5962; bin mizote , pour el peu j'me rinmintufe y'avoé l'ecole el jeudi , in s'arposoés el mercredi , am'mote qui avoé pon longtimp qu'cha venoé ed'canger ;; mais a l'avnant ché vrai qu'a ch'timps là in mettoait cor des blouses !! y'avoait mi d'tablette numerique , ch'etoait tout simplemint el noér tablette !!
et oui comme ej'disoais hier cha fait du bin ed'rabatte ez'hottons un molé , ........cha rassure, din s'monde ed'cinglaye !!! lol adé mes gins
myrianna10/04/2013 12:18
cha dot ett dins l'1972 qui z'ont cangé pour l'Mercredi flobart.

ouais ami 5962 in s'amusot pon seulmint , des fos in a passé des Jeudi aprés midi à nettiyer ché pos d'chuque mi et m'copine .



flobart10/04/2013 14:28
ahhh bin merci myrianna, enn'cache pon pu lon , ch'est net comme torchette , ej'sus ed'69 , et probabe et q'j'ai fait em' premiere rintrée in 71, am'mote équ'cha cangé, et.... cha r'cangera cor !! a+
myrianna10/04/2013 15:06
bin flobart , j'ai ravisé sur gogoole chétot al rintrée ed semptembre 1972 que l'Mercredi y'a rimplacé ch'Jeudi.
Cha m'a fait rire pasque j'ai lu aussi que ché filles al pouvottent finalmint porter un pantalon sans jupe au d'ssus ...nous in pouvot pas. et pis i fallot mette un tablier et surtout que cha seuche pas un trois quart! .Ché tiotes Polonaisses comme al z'étotent souvint bien habillées ( mieux qu'nous zautts) al l'inlvottent tout d'suite quand in sortot d'ché classes pour faire vire leur belles mises et faire des maniéres .
ami 596210/04/2013 16:46
in intindot souvint dire li y allot a l'école l'jeudi ,pour parler d'un ane
flobart10/04/2013 17:16
et oui myrianna ,asteure chés classes i sont mixtes , et avint ch'étoait chés polonaises qui fésoaites vir leu biaux habillures; mais peuq'minquer asteure ché a c'ti qui ara el loque el plus quer avec eune marque !! adon ,ej'cro qui est vraimin timps d'armette el tenue scolaire !!! mais cha ch'est eune aute histoire !!
myrianna10/04/2013 18:45
D'vant m'maison y'a einne école , ej les vos arriver ché tiots l'matin tous habillés in Benetton ou in Armani et pis des fos cha oublie leur loques sur ché bancs dins l'cour ou dins ch'gardin (ej vos cha de m'fenett) j'arriff pas a comprintt , einne fos y'a un pull qu'ia resté sur un banc pour 3 jours, y'aurot pas fallu qu'ej rintt a m'maison sans min tablier mi , j'auros été bien archue par m'mére...et comme in dit ça c'était avant..

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:arlique
français:relique
genre:n.f.
Accéder au glossaire