Accueil forums

Forum général (tout sujet)
Discussions de comptoir
Café littéraire
Le patois Ch'ti
Le Nord-Pas-de-Calais
Les mineurs et la mine
Légendes et contes
Recettes de cuisine
Histoires drôles
Demandes de traductions
Webmaster à votre écoute

Livre d'Or

Discussions de comptoir
Sujet :bon diminche
cartouche14/04/2013 07:35
bonjour mes gins, ch'café pis ches croissants sont là y a qu'à foque s'servir. bon diminche tertous avec du solel
ami 596214/04/2013 08:22
bjr Cartouche ,merci pour l'déj;ichi aussi un biau solel ,cha armonte l'moral ,j'vas daller a ch'marqué ch'matin
cartouche14/04/2013 08:27
in parlant d'marqué mi j'arpinse à ch'ti d'min pays


Ch' marqué d' Hénin

L’mardi et l’vendredi y a ch’marqué à Hénin
et dins ches allées in vot passer ches gins
ches marchands is cri’tent pour attirer
« is sont biaux mes porions is sont frais »


« V’nez ichi les vire les sintir et m’les acater
avec mi ch’est sur vous serez pas roulés
j’ai des fruits d’saison vénant directemint
et sans intermédiaire d’min tchiot gardin »


A côté y a un machand d’loques et d’fouffes
« eune robe un patalon ch’est ichi qu’in l’trouffe
ch’est que du biau que du bon et du pas quer
cha s’ démode pon venez vire y a des affaires »

Pus long y a un cordéoneux qui jue un tango
i fait la manche pour pouvoir s’payer un pot
y a un marchand d’fromaches pis un boucher
eune tchiote fleuriste qui vind des bouquets

Cha sint bon les fruits les fleurs les épices
et dins toutes ches allées cha babèle in chti
y a cheux qui acatent et cheux qui raviss’tent
mais is sont tertous fin bénaches d’ête ichi

Bierlair René dit Cartouche
annesophie14/04/2013 10:02
Bonjour tertous Merci Cartouche ch'est bin bieau Mi ami 5962 j'm'in va à l'transhumance du villache in pus in a de l'chance l'solel i luit et pi sl'ciel i est bleu Bon diminche mes gins Bon je m'sert l'tintation alle est bin trop forte
myrianna14/04/2013 10:16
Bonjour tertouss

un tiot café , un tit croissant et einne poésie , ché einne belle journée qui comminche Merci!

anneso té vas vire l'transhumance , té vas vire passer m'famille alors....

Ichi aussi i fait bieau , m'n'homme y'é rintré et pis i m'a dit in va aller minger dehors ej croyos qu'in allot au resto mais non y'a mis ché cayelles sul terrasse.
Bon Diminche mes gins
flobart14/04/2013 11:33
bonjour mes gins , allé ! un tiot jus quind même margré l'heure tardif' ; merci cartouche , et quel biau poéme, du solé aussi a nice , un boin diminche qui s'prepare , in va aller rouler din l'arriere pays !! pour vir el neiche su chés couplets del montanne , tant qui n'a cor , et ui car apres cha va fonde !! adé
ami 596214/04/2013 14:51
y a toudis des biaux po^mes Cartouche ,y a plus d'unne corde a s'arc ch'est pous cha ,ej su daller a ch marqué ed Marcillac cha vivot ,pi j'a été vire l'cascade ed Salles la source ej l'avos jamais comme cha al pichot pire qu'unne vaque ,ej su rintré pour minger dins m'cour mais avant j'avos armis min short y étot contint ed sortir de ch'placard
flobart14/04/2013 19:13
qué biau diminche , ej'sus maflé ,os avons bin marchés , din l'arriere pays, car sul côte ch'etoait rio, i z'etoaites tertous déjà al'plache in route a s'faire bizir leu couéne !! cha n'sintoé pon l'iode , cha sintoé l'creme solaire !!
myrianna14/04/2013 20:05
chétot l'transhumance al plache aussi alors flobart.

ej vos qu'in a tous passé un bon Diminche astheur dodo hein
Bonne nuit tertouss
ami 596214/04/2013 20:38
bin tertous t'artrouffe l'szourire avec l'solel qui arviens cha fait plaijit ,ej va daller couquer a dé
annesophie14/04/2013 21:02
Bonne et pis d'bieaux refes mes gins à d'main
annesophie14/04/2013 21:03
man mère j'ai pas marqué nuit cholaille faut vraimint j'alle m'couquer
lena14/04/2013 21:21
bonsoir tertous aujourd'hui in a eu du bon temps :solel mais avec un peu ed vint bien pour aller marcher avec mes 2 tiotes filles et pis em n' homme
à cheux qui veutent j' leur fait un'n tisane
un'n bonne nuit à tertous

Retour au forum

Utilisateur

Mot de passe


S'inscrire
Mot de passe oublié ?

Google

Connaissez-vous
ce mot ?
en ch'ti:chicter
français:casser
genre:v.
Accéder au glossaire